YVÝRE ÑORÃIRÕ
By Radio TV
Poema de Sara Nilza Meza – campesina de Alto Paraná, líder de la organización CONAMURI y militante del movimiento Kuña Pyrenda.
Ivai la véta ha ivaivéta
chokokue akãme ko’ãga oike
mboka oipurúrõ chupe oñeme’ẽta
yvy pehengue oikove haguã.
Ha ombokapúma hapicha ra’ýre
oiko jejuka upe yvy ky’áre
ao hũme oñemonde
chokokue ñemoñare
tahachi tembiguái
oikóva tetã poguýpe
ojehovapete plomo akúpe
ha upéichaite
omano avei
upe chokokue.
Upe ombohapéva ko mba’e vai
oho okañyete, ndahasýi chupe
mitã tyre’ỹeta opytáva oiko asy.
Okañy tape oipykúi va’ekue
yma chokokue.
Tavahúko ápe ha pépe
umi omyakãva aty
“sin tierra” ojeheróva
akãraku omoinge mboriahu akãme
ha oity hapichápe
ãichagua mbaipy guasúpe.
Kuimba’e ipy’aróva
ndohayhúiva ni isýpe,
mba’evénte ichupe
osyrýrõ upe tuguy
ojapokói okaragua rekovemíre,
ñembyasy mante opyta,
tapicha kuéra manóre.
15 de junio jave,
manoeta oiko va’ekue
ñorãirõ Kuruguatýpe,
opyta mandu’arãma
ha umi amomba’e va’ekue
opytáma tesaráipe.
By Radio TV
